Inscrición para asistencia presencial

A inscrición só é necesaria para acudir ao evento de xeito presencial. Se o que queres é ver os contidos que se publicarán nos canais de Youtube dos centros e nesta páxina web o día do evento, non é preciso inscribirse. Estes contidos tamén quedarán publicados e poderán seguirse en diferido máis adiante.

Requisitos

A participación nesta xornada require inscrición previa (completamente gratuíta) a través do formulario web disposto a continuación antes do martes día 16 de novembro ás 16:00. As prazas están limitadas.

O programa completo permite a visita aos catro centros ao longo do día, elixindo entre dúas quendas pola mañá e dúas pola tarde por cada centro. As persoas que estean interesadas en visitas máis curtas, poden elixir só visitar tres, dous ou un único centro no horario que desexen.

Os nenos e nenas de 6 a 15 anos só poderán permanecer no interior dos centros baixo a responsabilidade dunha persoa adulta (máximo 2 menores/adulto). Os nenos e nenas menores de 6 anos poderán acceder sen necesidade de rexistro pero siempre en compañía dunha persoa adulta.

O uso da máscara será obrigatorio en todo momento no interior dos centros, tanto para persoas adultas como para nenos e nenas. No caso de ter síntomas compatibles coa COVID-19 non será posible a asistencia ás xornadas.

Formulario de Inscrición

O formulario de inscrición xa non está dispoñible porque todas as prazas están esgotadas.