Información que recompilamos e sometemos a tratamento
Recóllese a información introducida no formulario de inscrición do evento: Nome, apelidos, correo electrónico e teléfono. Para cada un dos acompañantes, recóllese: Nome, apelidos e rango de idade.
No rexistro constarán anotacións sobre as as preferencias de horas solicitadas, as prazas asignadas e o seu estado, e a data e hora na que se fixo a petición
Durante a xornada, anótase nos datos a asistencia ou non ao evento.
Como se utiliza a información de contacto
A información é almacenada nun arquivo informático coa finalidade de:
- Xestión da inscrición na xornada, o que pode supoñer comunicacións por correo electrónico ou teléfono.
- Envío por correo electrónico de recordatorios previos ao evento.
- Envío dun correo electrónico posterior, sendo o contido dependente da asistencia ou non ao evento.
- Envío de correos posteriores avisando de eventos de similares características en anos posteriores.
- Priorización de asistencia en eventos posteriores en función da inscrición e da asistencia ou non a esta xornada.
A base legal para o tratamento de datos mencionado nesta sección é a prestación do servizo que se solicita de xeito voluntario (artigo 6, párrafo 1 (a) do RXPD).
Quen ten acceso á información
O acceso está limitado ao persoal administrativo dos centros de investigación da Rede de Centros Singulares de Investigación da USC.
Duración do almacenamento
O almacenamento producirase durante un máximo de tres anos contando o tempo a partir do día de celebración do evento para os fins indicados anteriormente.
Dereitos contemplados no RXPD
Debe enviarse un correo a citius.tic@usc.es indicando que se desexa exercer algún dos dereitos contemplados: acceso, rectificación, supresión e limitación do tratamento, portabilidade de datos.
En caso de exercitar o dereito de supresión ou limitación de xeito previo á celebración do evento, non será posible a asistencia ao mesmo.
Datos de terceiros
No caso de que a persoa usuaria facilite datos persoais de terceiros (por exemplo, menores de idade participantes ou acompañantes), declara contar coa autorización das devanditas persoas ou, no caso de menores, ostentar a condición de representante legal. En todo caso, a persoa usuaria será a única responsable de calquera dano ou prexuízo derivado da comunicación de datos de terceiros sen o seu consentimento.
Tratamento de imaxes
Durante o evento poderán captarse fotografías e gravacións. Na inscrición debes escoller «Si» ou «Non» á pregunta «Autorizas a captación, reprodución e difusión das imaxes obtidas durante o evento?». A resposta refírese só a estas imaxes. A autorización é opcional: responder «Non» non impide inscribirse nin participar.
Se marcas «Si», as imaxes poderán usarse para documentar e divulgar as actividades dos centros participantes: nas súas memorias e en accións de difusión e campañas promocionais da USC, a través das súas páxinas web, redes sociais e materiais impresos. Se marcas «Non», non autorizas a captación, reprodución nin difusión das imaxes.
Se respondes «Non», podes solicitar un distintivo na entrada de cada centro e levalo visible para que o persoal de fotografía poida respectar a túa decisión.
No caso das persoas menores de idade, a autorización solicitarase en cada centro á súa representación legal cando corresponda. Sen a autorización necesaria, as súas imaxes non se utilizarán.
